Sejarah Gedung Pakuan

Rabu, Oktober 01, 2014 Seputar Bandung Tidak ada komentar

Gedong Pakuan

Gedong buatan Walanda di Bandung teh aya sababaraha rupa diantarana Gedong Sate, Gedong Pakuan, Gedong Sirap, Gedong Papak, Isola, jang sajabana. Diantara gedong nu aya di Bandung, gedong Sate jeung gedong Pakuan paling dikenal ku balarea. Diantara dua gedong, urang ngaguar Gedong Pakuan

Gedong Pakuan kaasup Bangunan Cagar Budaya Kota Bandung dina Perda No. 19 tahun 2009 Kawasan I (Kawasan Pusat Kota). Ari Gedong Pakuan diadegkeun taun 1967. Wewengkon Gedong Pakuan disebutna teh Kebonkaret. Ayeuna Kebon Karet teh ngaran lembur nu aya di jero gang, gigireun Bale Besar PT KAI. Gedong nu katotog ku jl Otto Iskandardinata baretona Gedong Pakuan tempat nganjrekna Residen Priangan, ka dieunakeun dipake panganjrekan Gubernur Jawa Barat.

Harita mah saukur tamu, gegeden boh bangsa urang boh ti mancanagara, marondokna teh tara di hotel, di Pakuan we. Bung Karno oge mindeng pisan mondok di Pakuan teh. Mun Bung Karno sumping teh, ti Jl. Pajajaran keneh geus ngaregreg, kolot budak, ngabageakeun bari ngulang-ngulang bandera. Memeh Konperensi Asia Afrika, Nehru ti India, U Nu ti Birma, Moh. Ali ti Pakistan, kungsi daratang ka Bandung, marondokna teh di Pakuan. Pakuan mah sok pada ngajugjug ku tatamu agung ti mancanagara. kungsi aya Raja Siem, Raja Prancis, malah bentang pilem kamashur, Charli Chaplin oge kungsi natamu ka Gedong Pakuan.

Sumber : Basa Bandung Halimunan, Us Tiarsa R.

Artikel Lainnya :
Sejarah Cikadut
Sejarah Ujung Berung